巡迴公演分頭行動的Golden Bomber成員 「いいとも」揭開鬼龍院自閉真相

即將於2014年1月1日發售新單曲「101回目の呪い」的Golden Bomber(金爆),於12月16日播出的「笑っていいとも(中譯:笑一笑又何妨)!」中的TELEPHONE SHOCKING環節中登場。


主音鬼龍院翔現身於攝影棚時,絲毫沒有半點掩飾喜悅的心情:「正呀!又有得嚟喇!」當日更有西川貴教、氣志團眾星送上花牌。近五個月內,金爆巡迴了全日本47道都府縣、舉行了59場公演的,鬼龍院笑說:「個排俾人話,最近完全無上過電視,係咪消失左喇?(笑)雖然有點咁嘅感覺,不過其實我地都叫做齊齊整整,全部人響晒到啦。」當TAMORI稱:「尋日響電視到睇到你哋(的LIVE演出)喎~」鬼龍院竟然投訴:「雖然好多謝電視肯俾我地上鏡,但係播左之後我哋就唔可以一物二用再做多幾次同樣既表演喇。」連結他手喜矢武豐亦苦笑道:「就嚟江郎才盡喇我地。」然後對著「唔駛演奏(樂器),我哋就喺得返咁樣架咋~」的金爆,TAMORI說:「睇吓睇吓,最無乜點郁嘅應該係樽美酒(研二.鼓手)喎。」而樽美酒以一副悔恨的表情反駁說:「我明明咁努力~」TAMORI還要乘勝追擊:「雖然無乜點郁,但係就最無氣呢。」連其餘的團員也附和嘲笑他:「老喇佢老喇佢~」

在巡迴演出中盡可能不混在一起,金爆成員們聲稱箇中原因是:「如果唔保持距離既話,我們會打交添呀。」被TAMORI問到:「難得舉行巡迴演出,大家都唔會一齊食吓飯?」成員們立即對於無時無刻都要跟對方見面一事,大吐苦水:「真係一次過搞成59場演出呢……」此外,當被成員們大爆原來即使大家相約一起吃飯,鬼龍院也幾乎不會參與,本人立即手忙腳亂慌張起來。連樽美酒也表現出一副困擾的態度:「響BLOG上面寫『我哋三個一齊去咗食飯』之後,都會俾人問『你哋嘈交呀?』咁樣。」

節目其後談到,原來鬼龍院10年前在NSC(吉本興行藝員訓練班)的時期,曾經參加過「いいとも」的選拔,卻因為時間限制而未能正式上場。「機會難逢,就趁依家講吓個時發生過咩事啦」雖然樽美酒這樣對鬼龍院說,卻立即被斷言拒絕了。「(響本身應該要出場嘅環節前)見到吉幾三先生,同佢傾咗好耐好耐,就係咁樣搞到出唔到場。」後來鬼龍院交代當時事發經過,一副悔恨交錯的樣子,惹得全場大爆笑。

當晚節目,金爆更毫無保留,盡訴作為AIR BAND艱苦奮鬥時代的辛酸史。希望他們能保持這份毅力,下年能再次於「いいとも」上登場之餘,2014年人氣更上一層樓。

岡野里衣子

原文連結
REAL SOUND:http://realsound.jp/2013/12/post-211_2.html

VROCKHK
譯:異形

VROCKHK

VROCKHK 主站 WEBSITE:http://VROCKHK.com 推特 TWITTER:http://www.twitter.com/VROCKHK 臉書 FACEBOOK:http://www.facebook.com/VROCKHK 微博 WEIBO:http://weibo.com/VROCKHK YOUTUBE:http://www.youtube.com/user/VROCKHK 電郵 EMAIL:info@vrockhk.com

%d bloggers like this: